လုပ်အားခကို အပတ်စဉ်သောကြာနေ့တိုင်းမှာ ရုံးသို့ပေးထားသည့်မိမိရဲ့ဖုန်းနံပါတ်အတွင်းသို့ ငွေထုတ်ယူရမည့်ကုဒ်(Cashout Code)ကို မိတ်ဖက် truemoney မှတဆင့် SMS(စာတို)ပေးပို့လာမည်ဖြစ်ပါသည်။ Rider အသစ်များသည် foodpanda တွင် အလုပ်စတင်လုပ်ကိုင်သည့်အပတ်ရဲ့ဒုတိယအပတ်မှသာလုပ်အားငွေကို စတင်ရရှိမည်ဖြစ်ပါသည်။ (ဥပမာ- ဗုဒ္ဓစဟူးနေ့တွင် အလုပ်စတင်လုပ်ကိုင်သည့် Rider သည် လုပ်အားခငွေကို လာမယ့်အပတ်၏ သောကြာနေ့မှရရှိမည်ဖြစ်သည်)

လုပ်အားခငွေနှင့်ပတ်သက်ပြီး အမှားအယွင်းရှိသည်ဟုယူဆပါက Rider Support မှတဆင့် လုပ်အားခငွေနှင့်သက်ဆိုင်သည့်အချက်အလက်များနှင့်တကွ Ticket ပေးပို့၍ သက်ဆိုင်ရာ team ဘက်သို့ ဆက်သွယ်အကြောင်းကြားပေးပါ။

အပတ်စဉ် လုပ်အားခငွေရရှိရန် ရုံးသို့ပေးထားသည့် မိမိရဲ့Wavemoney အကောင့်အား level-2 အဆင့်သို့ အဆင်သင့်မြှင့်ထားရန်လိုအပ်ပြီး အကောင့်အား Active ဖြစ်နေအောင် ထားရှိရမည်ဖြစ်သည်။ လုပ်အားခရရှိမည့် သောကြာနေ့မတိုင်ခင် ဗုဒ္ဓဟူးနေ့တိုင်းမှာ မိမိရဲ့အကောင့် Active ဖြစ်/မဖြစ်နှင့် အကောင့် level 2 ဖြစ်/မဖြစ်ကို အမြဲစစ်ဆေးရန် လိုအပ်သည်။ အထက်ပါအချက်များအား လုပ်ဆောင်ထားပြီး လုပ်အားခငွေမရရှိခဲ့ပါက Rider Support မှတဆင့် လိုအပ်သော သက်သေအထောက်အထား Screenshot နှင့်တကွ Ticket တစ်စောင် ပေးပို့၍ အကြောင်းကြားစစ်ဆေးနိုင်ပါသည်။

လုပ်အားငွေသည် ပြီးမြောက်အောင်ပို့ဆောင်ထားသည့် အော်ဒါတစ်ခုချင်းစီ၏ အကွာအဝေးကြေး၊ မော်တော်ယာဉ်အမျိုးအစား၊ Batch အဆင့် အလိုက်ရရှိသည့် ဘောနပ်စ်များပေါ်မူတည်ပြီး ရရှိမည်ဖြစ်ပါသည်။ အသေးစိတ်အား မိမိရဲ့ Panda Rider အက်ပ်အတွင်းမှ Payment တွင်ဝင်ရောက်ကြည့်ရှု့နိုင်ပါသည်။

Batch ဆိုတာ ကျွန်တော်တို့ရဲ့ foodpanda rider များ၏ စွမ်းဆောင်ရည်ပေါ်မူတည်ပြီး အဆင့်သတ်မှတ်ခွဲပေးသည့် စနစ်ဖြစ်ပါသည်။ Batch အဆင့်အမြင့်ဆုံး ရောက်ရှိနေသော rider သည် ခံစားခွင့်များပိုရရှိမှာဖြစ်သည့်အပြင် Batch အလိုက်ရရှိသည့် ဘောနပ်စ်ကြောင့် အော်ဒါတစ်ကြောင်းစီအတွက် ရရှိသောအော်ဒါကြေးတွင်လည်း အမြင့်ဆုံးရရှိနေမည်ဖြစ်သည်။

Roadrunner အက်ပ်အတွင်းရှိ ဘယ်ဘက်အပေါ်ဆုံးတွင်ရှိသော Menu bar (၃ကြောင်းခြစ်) ကိုနှိပ်ပါ။ ပြီးလျှင် ''Performance'' ထဲသို့ဝင်ရောက်ပြီး လက်ရှိရောက်ရှိနေတဲ့ ကိုယ်ရဲ့ Batch အဆင့်ကို အသေးစိတ်ကြည့်ရှု့နိုင်ပါသည်။

အော်ဒါလက်ခံနှုန်း (Acceptance Rate)၊ ဘိုကင်ယူထားသော အလုပ်ချိန်နှင့် အမှန်တကယ် အလုပ်ဝင်ရောက်လုပ်ကိုင်သောအလုပ်ချိန်ကွာခြားချက် (Actual Shift Hours Rate)၊ အလုပ်ချိန်အား နောက်ကျခြင်းမရှိဘဲ ဝင်ရောက်အလုပ်လုပ်ကိုင်ခြင်း၊ စပါယ်ရှယ် Hours အတွင်း အလုပ်လုပ်ကိုင်ခဲ့သည့်စုစုပေါင်းအချိန် (Special hours) ၊ဘိုကင်ယူထားသောအလုပ်ချိန်အတွက် အလုပ်ပျက်ကွက်ခြင်း (No Show) စသည့်အချက်များနှင့် အဓိကထားတွက်ချက်ပါသည်။ *Scoring အဆင့်ရမှတ်များတွက်ချက်မှုအသေးစိတ်ကိုလည်း ယခုလင့်ခ်မှတဆင့် အသေးစိတ်ကြည့်ရှု့နိုင်ပါသည်။* အခြားအနေဖြင့် Batch အဆင့်တွက်ချက်မှုတွင်ပါဝင်သည့်လိုအပ်ချက်များကိုလည်း Panda Rider အက်ပ်> Menu bar အတွင်းရှိ Performance နေရာမှာ အသေးစိတ်ကြည့်ရှု့နိုင်ပါသည်။

ကျွန်တော်တို့ရဲ့ foodpanda rider များ အာမခံထားရှိနိုင်ရန်အတွက် အာမခံဝန်ဆောင်မှုပေးသော ကုပ္မဏီ (Third Party)များနှင့် ချိတ်ဆက်သွားဖို့ဆောင်ရွက်လျက်ရှိနေပါသည်။ ဝန်ဆောင်မှုနှင့်အခြားအာမခံထားရှိမှုဆိုင်ရာအစီစဉ်များရှိပါက Telegram Channel နှင့် Website မှတဆင့် အသေးစိတ်ပြန်လည်အသိပေးသွားမည်ဖြစ်ပါသည်။

Batch ကောင်းကောင်းရနေဖို့အတွက် ဝင်လာသမျှအော်ဒါတိုင်းကို လက်ခံမှု ''Accept'' ပြုလုပ်ပြီး ပြီးမြောက်အောင် ပို့ဆောင်ပါ။ ဘိုကင်ယူထားသော အလုပ်ချိန်များတွင် ပျက်ကွက်မှုမရှိအောင် အလုပ်ဆင်းပြီး ဘိုကင်ယူထားသော အလုပ်ချိန်ကို နောက်မကျဘဲ (၃၀)မိနစ်စောပြီး သက်ဆိုင်ရာဇုန်အတွင်းမှာ အလုပ်စတင်ပါ။ အလုပ်ချိန်အတွင်းရရှိထားသောငွေများအားလုံးကို ပုံမှန်တစ်နေ့စာတစ်နေ့ foodpanda ရဲ့ Biller အကောင့်သို့အပ်နှံပါ။ ဒါလေးတွေလုပ်ဆောင်မယ်ဆို Batch အဆင့်ကောင်းကောင်းရောက်ရှိပြီး ဝင်များများရဖို့ သေချာမှာပဲဖြစ်ပါတယ်။